Алматы, 24 қазан 2024 ж. — №73 мектеп-гимназиясында мектеп оқушыларының медиасауат және цифрлық кеңістіктегі қауіпсіз дағдыларын дамытуға бағытталған тренинг өтті. «MediaNet» Халықаралық журналистика орталығының медиасауат бағдарламасының жетекшісі, сарапшы Алёна Кошкинаның басшылығымен оқушылар сыни ойлаудың негіздерін меңгеріп, ақпарат ағынында дұрыс бағдар алуды үйренді.

Бағдарлама фактчекинг, дереккөздердің сенімділігін анықтау және киберқауіптерді тануға арналған интерактивті сабақтарды қамтыды. Қорытынды жоба бөлімінде қатысушылар топтарға бөлініп, медиажобалар жасап, өткен тақырыптарды тәжірибе жүзінде пысықтап, білімдерін көрсетті.

Тренинг оқушылардың ақпаратты қауіпсіз және жауапкершілікпен пайдалануға дайын екендігін растайтын сертификаттар табыстау рәсімімен аяқталды.

Іс-шараны MediaNet Халықаралық журналистика орталығы «Ниппон» қоры және Алматы қаласы Білім басқармасының білім берудегі жаңа технологиялар ғылыми-әдістемелік орталығының қолдауымен ұйымдастырды.